Mark Laurenson fekk, som alle andre born på Shetland, tilbod om å byrje på eit instrument som åtteåring. Han valde fele og byrja i lære hjå legenda Willie Hunter, som med sin smittande entusiasme, energi og glede for det tradisjonelle felespelet, inspirerte Mark enormt, og vegen inn i Shetlands unike folkemusikktradisjon var eit faktum. Mange år med drivande rilar og spretne jigs seinare, vann Mark ´Shetland´s Young fiddler of the year´ i 1999, og i 2004 kom han til finalen av The young Scottish Trad musician of the year. Mark spelte i det frykta folkpartybandet Fullsceilidh Spelemannslag og i den anerkjende norsk-shetlandske trioen Aamos.
Vidar Berge er kjend for sitt virtouse strengespel, både på gitar, mandolin og alt anna som kan klimprast på. Han har røter i den vestnorske folkemusikken, men har òg vore innom alt frå rock til viser. Han har spelt med artistar som Lothepus og i folkbandet Sver, men i denne duoen er det det akustiske spelet som står i sentrum.
Saman skaper Mark og Vidar musikk som er både rå og raffinert – med dynamikk, driv og eit snev av salt sjø i tonane. Dette er folkemusikk for både hjarta og dansefoten!